राष्ट्रवादी काँग्रेस पक्षाच्या प्रदेश कार्यलयात आज उपमुख्यमंत्री ना. अजित पवार, जलसंपदा मंत्री तथा प्रदेशाध्यक्ष ना. जयंत पाटील, अल्पसंख्याक मंत्री ना. नवाब मलिक, आमदार बाबाजानी दुर्राणी यांच्या उपस्थितीत गंगाखेड मतदारसंघाचे माजी आमदार सीताराम घनदाट, परभणीचे जिल्हा परिषद सदस्य भरत घनदाट यांच्यासह अनेक कार्यकर्त्यांनी राष्ट्रवादी काँग्रेस पक्षात प्रवेश केला. यावेळी सरचिटणीस शिवाजीराव गर्जे, प्रदेश उपाध्यक्ष प्रमोद हिंदुराव, चिटणीस संजय बोरगे, राष्ट्रवादी युवक काँग्रेसचे कार्याध्यक्ष सूरज चव्हाण, माजी आमदार विजय भांबरे उपस्थित होते. याप्रसंगी माधव ठवरे, लालया पठाण, अमित घनदाट, गणेश काळे, गौतम हत्तीअंबिरे, मधुसूदन लापटे, चेअरमन जाधव, विनायक राठोड, दत्ताराव भोसले, दयानंद कदम, तुळशीराम शिंदे, विठ्ठल टोपे, डी. के. पाटील, विजयकुमार शिंदे, रावसाहेब शिंदे, शेखभाई चाऊस, शेख मुस्ताफा यांनीही पक्षप्रवेश केला.
