माहूर आगारात रापम वाहकाची बसमध्येगळफास घेऊन आत्महत्या!
माहूर रापम आगारात खळबळजनक घटना...
साजीद खान,माहूर जि.नांदेड:
वाहकाने एसटी बस मध्ये गळफास घेऊन आत्महत्या केल्याची घडना (ता.२६) रोजी सकाळी ६ वा.उघडकीस आली.
माहूर आगाराची परळी माहूर हि बस क्र. एमएच २० बी.एल.चाळीस पंधरा ही माहूर च्या एस टी आगारात (ता.२५) च्या रात्री उभी केलेली होती.
सदर बसची माहूरहून परळीकडे रवाना होण्याची वेळ सकाळी ७:३० ची असल्याने (ता.२६) रोजी सकाळी ६ :०० वा.च्या दरम्यान रापमचे स्वच्छता कर्मचारी बस स्वच्छ करण्यासाठी गेले
असता सदर बस मध्ये गळफास घेऊन लटकलेल्या अवस्थेत वाहक संजय संभाजी जानकर हे दिसून आल्याने एकच खळबळ उडाली आहे.
आगरप्रमुख व्ही.टी.धुतमल यांनी दिलेल्या माहितीवरून माहूर पोलीस स्टेशनचे पोलीस निरीक्षक नामदेव रिठे यांनी घटनास्थळी भेट देऊन घटनेची पाहणी केली.
बिट पो.हे.कॉ. आडे,पो.हे.कॉ.मुटकुळे,पो.हे.कॉ.गंगाधर खामनकर पो.कॉ.प्रकाश देशमुख,
ग्रामीण रुग्णालयात डॉ.विजय मोरे यांनी प्रेताचे शवविच्छेदन केले.सदर वाहकाची
(ता.२४) रोजी धनोडा येथे बस तपासणी पथकाने केली.त्यावेळी तिकीट मशीनच्या तांत्रिक अडचणीमुळे काही प्रवाशांचे तिकीट निघाले नसल्याने
सदर बाब वरिष्ठांनी लक्षात न घेता कारवाई करण्याचे संकेत दिल्याने पश्चाताप होऊन आत्महत्या करणाऱ्या वाहक जानकर यांनी रापम माहूर आगाराच्या व्हाटसप ग्रुपवर
(ता.२६) रोजी सकाळी ४:०० वा.व्हायरल केलेल्या लेखी मृत्यूपूर्व जबाबत नमूद केले आहे.
सदर वाहक हा तुटपुंजा पगारामुळे नेहमी आर्थिक विवंचनेत राहत असल्याने व यापूर्वीही काही दिवस सदर मयत वाहक हा निलंबित राहिलेला असल्याने आता पुन्हा निलंबन झाले
तर कुटुंबाचे उपजीविका कशी भागवायची या विवंचनेत गेल्या दोन दिवसापासून होता.अशी कुजबुज रापम कर्मचाऱ्यामध्ये होती.
घटनेचा पुढील तपास पोलीस निरीक्षक नामदेव रिठे यांचे मार्गदर्शनात पो.हे.कॉ. विजय आडे हे करीत आहेत....
