किनवट तालुक्यात खुलेआम अवैद्य दारू व मटका जोमात! वंचित बहुजन आघाडी ने दिले पोलिस उपविभागीय अधिकाऱ्यांना निवेदन
किनवट/प्रतिनिधी:
वंचित बहुजन आघाडी किनवट च्या वतीने उपविभागीय पोलीस अधिकारी यांना किनवट पोलीस ठाणे अंतर्गत घोटी फाटा,किनवट शहरातील भाजी मंडई क्षेत्र आणि प्रसिद्ध
व्यापारपेठ बोधडी बुद्रुक या क्षेत्रात खुलेआम मटका बुकिंग सेंटर व त्या ठिकाणी होत
असलेली देशी दारूची अवैध विक्री ही त्वरित थांबून शांतता व सुव्यवस्था अबाधित ठेवण्याची कारवाई करण्यासाठीचे निवेदन तालुका अध्यक्ष किसन लखु राठोड यांनी दिले आहे .
निवेदनात असे नमूद करण्यात आले आहे की, मागील तीन महिन्यापूर्वी लपून छपून मटक्याच्या चिठ्ठ्या घेतल्या जात होत्या व त्या ठिकाणी देशी दारूची विक्री होत होती.
परंतु आता तर हे मटका बुकिंग चालक खुलेआम मटका चिठ्या घेऊन
त्या ठिकाणी दारू विक्री करून जोमाने व्यवहार करून गोरगरीब नागरिक, मजूर युवक व व शिक्षण घेणाऱ्या विद्यार्थी यांना जाळ्यात ओढून घेत आहेत.
ज्यामुळे त्यांचे भविष्य अंधकारमय होण्यास विलंब लागणार नाही. अशी भयवाह परिस्थिती निर्माण होत आहे.
मी या प्रकरणी विनंती सादर करतो कि, किनवट शहरातील भाजीमंडई क्षेत्रात भाजीपाला विक्री ऐवजी ठेले टाकून त्या ठिकाणी दिवसा खुलेआम मटका घेऊन
तसेच नव्याने व्यापारी क्षेत्र म्हणून उदयास आलेले घोटी फाटा या ठिकाणी तर चार मटका बुकिंग सेंटर कार्यरत असून या ठिकाणी मटका लावणाऱ्यांची तोबा गर्दी होत आहे.
त्याठिकाणी शेतकरी शेतीमाल विक्री करतो .
येथे व्यापारी बाजारपेठ असल्याने जागोजागी पानटपरी, ज्युस सेंटर, चहा हॉटेल मध्ये जाऊन खुलेआम मटका बुकिंग चालू असून त्याच ठिकाणी ग्राहकांची देशी दारू पिण्याची व्यवस्था आहे यामुळे नागरिकात असंतोष पसरला हा असून शांतता भंग होऊ शकते.
किनवट पोलीस स्टेशन कार्यक्षेत्र हे अतिसंवेदनशील व नक्षलवादी क्षेत्र म्हणून सुपरिचित आहे.
त्याठिकाणी अवैध व्यवसाय व शांतता भंग होऊ नये म्हणून व सामाजिक तत्वावर अंकुश ठेवणे कामी उपविभागीय पोलीस कार्यालयाची निर्मिती झाली आहे.
तेव्हा आपण या प्रकरणी लक्ष घालून होणारे हे सर्व प्रकरण थांबवावेत अशी विनंती करण्यात येत आहे असे निवेदनात मूद करण्यात आले आहे.
या निवेदनाच्या प्रतीलिपी मा. प्रकाशजी आंबेडकर राष्ट्रीय अध्यक्ष वंचित बहुजन आघाडी मुख्य कार्यालय मुंबई, मा. उद्धवजी ठाकरे साहेब
,मुख्यमंत्री महाराष्ट्र राज्य मंत्रालय मुंबई 32 ,मा.पोलीस उप- महानिरीक्षक साहेब, उपमहानिरीक्षक परिक्षेत्र नांदेड ,मा. पोलीस अधीक्षक साहेब पोलीस अधीक्षक कार्यालय
नांदेड, मा. अप्पर पोलीस अधीक्षक साहेब, अप्पर पोलीस अधीक्षक कार्यालय भोकर, मा. पोलीस निरीक्षक पोलीस ठाणे किनवट तालुका किनवट यांना देण्यात आल्या आहेत.
